Posted on: February 24th, 2023
OR-TAMISEMI
Naibu Katibu Mkuu, Ofisi ya Rais TAMISEMI anayeshughulikia Afya, Dkt. Grace Magembe amehimiza watendaji kwenye mamlaka za serikali za mitaa kusimamia matumizi sahihi ya fedha za miradi ya maendeleo katika katika maeneo yao ya kazi.
Dkt. Mgembe ameyasema hayo leo Februari 24, 2023 wakati wa kufungua kikao kazi cha kutathmini utolewaji wa huduma za VVU na UKIMWI katika vituo vya kutolea huduma za afya katika mikoa na halmashauri kinachofanyika jijini Dodoma.
Kikao hicho kimewakutamisha waganga wakuu wa mikoa, waratibu wa kudhibiti UKIMWI wa mikoa, waratibu wa fedha wa mikoa na waratibu wasimamizi wa mifumo na takwimu za afya wa mikoa.
Alisema ili kutekeleza miradi ya maendeleo kwa ufanisi suala la usimamizi wa fedha ni jambo ambalo linapaswa kutiliwa mkazo na watendaji wote.
Aidha, Dkt. Magembe amehimiza watendaji hao kusimamia kufatilia na kukamilisha kwa wakati wa miradi inayofadhiriwa na wadau wa maendeleo na kuagiza kuwa ifikapo mwisho wa mwezi Machi mwaka huu miradi yote iwe imekamilika.
Pia amewataka watendaji hao kuhakikisha wanapunguza na kumaliza hoja za ukaguzi za Mdhibiti na Mkaguzi wa Hesabu za Serikali (CAG).
